एनआरएनले ४२ मेगावाटको जलविद्युत आयोजना बनाउने

सौर्य समाचार
काठमाडौं, २९ माघ ।  गैरआवासीय नेपालीहरुको संगठन एनआरएनले ४२ मेगावाटका जलविद्युत आयोजना बनाउने भएको छ ।
एक सय मेगावाटको जलविद्युत आयोजना निर्माण गर्ने घोषणा गरेको एनआरएनले पहिलो चरणमा ४२ मेगावाटको आयोजना बनाउन लागेको एनआरएन युकेका अध्यक्ष कुल आचार्यले जानकारी दिए । ‘एक सय मेगावाटको जलविद्युत आयोजना बनाउने लक्ष्य रहेकोमा पहिलो चरणमा ४२ मेगावाटको आयोजना बनाउन लागेका छौ ।’–सोमबार नेपाल आर्थिक पत्रकार समाज (सेजन)ले आयोजना गरेको कार्यक्रममा उनले भने–‘ जलविद्युत योजनाको छनोट भने अन्तिम चरणमा पुगेको छ, छिट्टै सम्झौतापत्रमा हस्ताक्षर हुन्छ ।’
 सामुहिक लगानीको लागि एनआरएनले पा“च अर्व बरावरको एनआरएन इन्भेष्टमेन्ट कम्पनी स्थापना गरिएकोमा एक अर्ब बराबरको रकम संकलन भएको उनले जानकारी दिए । उनका अनुसार, हालसम्म ७५३ जनाले एक अर्ब बराबर रकम लगानी गरिसकेका छन् भने रकम संकलन जारी छ । ‘छिट्टै एनआरएनको अन्र्तराष्ट्रिय समन्वय समितिले जलविद्युत आयोजनाको घोषणा गर्नेछ, यसका लागि अहिले प्राविधिक टिमले काम गरिरहेको छ ।’–उनले भने । गैरआवासीय नेपालीहरुले सामुहिक रुपमा पहिलो पटक लगानी गर्न लागेकोले सकारात्मक हुन आग्रह गर्दै उनले जलविद्युतमा एनआरएनको पहिलो प्राथमिकता भएको बताए ।
    एनआरएन यूकेका सल्लाहकार पशुपति भण्डारीले युके नेपालमा विभिन्न क्षेत्रमा लगानी गर्न तयार रहेपनि त्यसका लागि उपयुक्र्त वातावरण नभएको बताए । एनआरएन जापानका यमलाल ढकालले १२१ जना एनआरएनले जापानबाट संयुक्त लगानी कोÈमा लगानी गरेको जानकारी दिए ।
    सेजनका अध्यÔ प्रदिप चापागाईले एनआरएनका सामुहिक लगानीको परिणाम नेपालमा देखिनुपर्ने बताए ।