बुधवार, चैत्र २०, २०७५
बारा-आइतबार साँझ फिटा–६ गौछीटोलका मञ्जुआयल मिया खातुन घरमै बसिरहेका थिए । एक्कासी हावा हुरीसहितको भुमरी आयो । उनको घरमात्र उडाएन । घरभित्र रहेका १८ वर्षीया सपनाम खातुन र १२ वर्षीया रुबी खातुनलाई सधँैका लागि चुँडेर लग्यो । “यसरी हावा हुरीसहितको भुमरी आयो की, भएका साना झुपडी पनि १०-१५ सेकेण्डमै उडाएर लग्यो,’ उनले त्यो दिनको पीडा सम्झँदै भने, “दुई छोरी गुमायौं, चार जना अस्पतालमा उपचार गर्दैछन् ।”
भुमरीपछि न उनीसँग घर छ, न कुनै सम्पत्ति न अन्नपात नै । मंगलबारसम्म उनको झुपडीसम्म त्रिपाल समेत पुगेको छैन । सोमबारको रात यत्रतत्र छरिएको भत्किएका घर, सम्पत्ति, सामान र उजाड वस्ती हेरेर बिताएका फेटावासी मंगलबार विभिन्न दाताहरुले आफ्नो गाउँमा ल्याएर दिएको खाना खाँदै थिए । कारोबारकर्मी त्यहाँ पुग्दा उनले भने, “गरिबका झुपडी नै भुमरीको तारो बन्दा रहेछन्, गरिबमाथि यस्तो प्रहार भयो, गाउँभरीका सबै गरिबका सबै झुपडी क्षणभरमै सखाप भए ।”
भुमरीपछि न उनीसँग घर छ, न कुनै सम्पत्ति न अन्नपात नै । मंगलबारसम्म उनको झुपडीसम्म त्रिपाल समेत पुगेको छैन । सोमबारको रात यत्रतत्र छरिएको भत्किएका घर, सम्पत्ति, सामान र उजाड वस्ती हेरेर बिताएका फेटावासी मंगलबार विभिन्न दाताहरुले आफ्नो गाउँमा ल्याएर दिएको खाना खाँदै थिए । कारोबारकर्मी त्यहाँ पुग्दा उनले भने, “गरिबका झुपडी नै भुमरीको तारो बन्दा रहेछन्, गरिबमाथि यस्तो प्रहार भयो, गाउँभरीका सबै गरिबका सबै झुपडी क्षणभरमै सखाप भए ।”
आइतबार साँझ ७ बजेतिर गएको भुमरीले बारा र पर्साका धेरै गाउँमा झुपडी घर ध्वस्त भए । यसबाट सबैभन्दा बढी पीडित गरिबीको रेखामुनि रहेका अधिकांश परे । इटाले बनाएका सामान्य कच्चीघर कुनै पनि बाँकी नरहेको हसमद बताउँछन् । कच्ची घरमात्र होइन, भुमरीले स्थानीय गाउँमा भएका अधिकांश रुख पनि जराबाटै उखेलिए भने अधिकांश बिजुली पोल, खानेपानीको कल भत्किए । खाद्यान्न र अन्नबालीलाई पनि पूर्ण रुपमा नष्ट गरिदियो । भुमरीपछि गाउँमा अहिले न खाद्यान्न छ, न खानेपानी, न बिजुली, न गाँस, न बाँस, न लाउने कपडा अनि न कुनै बाली नै । बालबालिकामा ठूलो त्रास फैलिएको छ । फिटा गाउँपालिकाका अध्यक्ष अमिरीलाल प्रसादपीडित सबैलाई खाद्यान्नदेखि गाँसबाँस व्यवस्थाका लागि सरकारी र अन्य गैरसरकारी निकायसँग समन्वय गरी अघि बढिरहेको बताउँछन् ।
भुमरीपछि बारा र पर्सामात्र होइन, देशभरिबाट उनीहरुका लागि राहत वितरण सुरु भएको छ । अधिकांश सडकको छेऊ र नजिक पुगेपनि भित्री गाउँसम्म नपुग्दा पीडितहरुले तीन दिन बित्दा पनि ठूलो पीडामा बाँच्नुपरेको छ ।
राहत वितरण सुरु
बाराको हुरीप्रभावित बस्तीमा सोमबार दिउँसोदेखि मंगलबार दिनभर देशभरका विभिन्न संघ संस्थाले राहत सामग्री ल्याउन थालेका छन् । मंगलबार बारा–पर्सा–रौतहटबाहेक देशका विभिन्न जिल्लाबाट संघसंस्थाले राहत सामग्री ल्याउने क्रम व्यापक बनेको छ । स्थानीय प्रशासन र जनप्रतिनिधिबीच समन्वय नहुँदा राहत सामग्री लिएर आएकाहरु अन्योलमा परेका छन् ।
धुर्मुसले करिब ४ सय बढी परिवारलाई त्रिपाल र चामल र चाउचाउ लिएर पुगे । यद्यपि उनले त्यहाँको अस्तव्यस्तता देखेर बाँड्न भने सकेनन् । स्थानीय जनप्रतिनिधिलाई जिम्मा लगाएर उनी फर्किए । यस्तै, नगर उद्योग वााणिज्य संघ सिमराले पनि करिब डेढ लाख बराबरको खाद्यान्न गाउँमा आफँैले बाँडेर फर्कियो । त्यसैगरी सिमराका स्थानीय युवाले पनि राहत सामग्री आफँैले बाँडेर आएका छन् । प्रहरी–सेनाले बुधबारदेखि त्रिपालको घर बनाउने र भग्नावशेष व्यवस्थापन गर्ने काममा जुटेपछि राहत सामग्री अलपत्रमा पर्न थालेको फेटा गाउँपालिका, पुरैनीयाका तुफानी आलमले बताए ।
नेकपाले मृतकलाई ५ लाख, नेपाली काग्रेसले २५ लाख, कांग्रेस उपसभापति विमलेन्द्र निधिले १० लाख, राष्ट्रिय जनता पार्टीले ५ लाख सहयोगको घोषणा गरेका छन् । यस्तै, तिलोत्तमा नगरपालिका, रुपन्देहीका जनप्रतिनिधि, कर्मचारी र शिक्षकहरुले एक दिन बराबरको तलब भत्ताबाट ४ लाख रुपैयाँ मुख्यमन्त्री राहत कोषमा जम्मा गर्ने भएका छन् । नेपथ्य समूह र नेपालयले पनि हावाहुरी प्रभावितकालागि ५१ हजार रुपैयाँ सहयोग गरेको छ । कलैया, हेटौंडा, वीरगञ्जलगायतका स्थानमा पनि राहत संकलन सुरु भएको छ ।
राहतलिएर आएका दर्जनौं सवारी साधन दिनभर धटनास्थल वरपर अन्योलमा परेको देखिन्छ । त्रिपाल नपुगेर हजारांै विस्थापित खुला आकाशमा रात बिताएका छन् भने घटनास्थल वरपर शौचालय नहुँदा दुर्गन्ध बढेर महामारी फैलने खतरा बढेको छ । करिब ५ हजार परिवारका सदस्यहरु क्षणभरमै आफ्नो घर सपनामा जस्तैगरी हावाले उडाएपछि खुला आकासमुनी रात बिताइरहेका छन् । हावाहुरीले बाराको फेटा गाउँपालिका नराम्ररी प्रभावित भएको छ । प्रदेश २ का भौतिक पूर्वाधार तथा विकासमन्त्री जितेन्द्र सोनललगायत भने प्रभावित क्षेत्रमा खटेका छन् । मन्त्री सोनलले हेलिकोप्टर चढेर राहत नहुने भन्दै पाल, ब्लांकेटलगायत आवश्यक सामग्री पठाउन केन्द्र सरकारसँग माग गरेका छन् । न्यूनतम ५ हजार परिवारलाई पाल चाहिने उनको भनाइ छ ।
भीम गौतम-प्रकाश लम्साल
No comments:
Post a Comment