काठमाडौ । नौ सय मेगावाटको माथिल्लो कर्णाली जलविद्युत आयोजना निर्माण गरिरहेको भारतीय कम्पनी जीएमआर र बंगलादेशबीच एक महिनाभित्र विद्युत विक्री सम्झौता (पीएसए) हुने भएको छ ।
नेपाल र बंगलादेशबीच ऊर्जा सहकार्यका लागि गठित सचिवस्तरीय संयुक्त सञ्चालन समिति (जेएससी) को बिहीबारको बैठकमा बंगलादेशका विद्युत, ऊर्जा र खनिज स्रोत मन्त्रालयका सचिव मोहम्मद हबिबुर रहमानले सो जानकारी दिएका थिए । उनले पीपीएका लागि अरु सबै प्रकृया पूरा भैसकेको र सेक्टेम्बरभित्र कार्य सम्पादन जमानी (परफरेन्स ग्यारेण्टी) बुझाएपछि पीएसए गरिने बताएका थिए ।
बैठकमा वैकल्पिक ऊर्जा प्रवद्र्धन केन्द्र र बंगलादेशको सस्टेन्एवल एण्ड रिन्यूएवल इनर्जी डेलभमेन्ट एथोरिटी (स्रेडा) बीच नवीकरणीय ऊर्जाको सहकार्यका लागि स्रेडाले एक महिनाभित्र मस्यौदा उपलब्ध गराउने निर्णय समेत भएको छ ।
यसैगरी बंगलादेश पावर व्यवस्थापन संस्थानले जलविद्युत विकास सम्बन्धी तालिमसँगै अनुभव आदानप्रदान गर्ने सहमति समेत भएको छ ।
No comments:
Post a Comment