लक्ष्मी पूजामा १३ सय ८२ मेगावाट विद्युत् माग

काठमाडौ÷रास– विद्युत्को माग लक्ष्मी पूजाका दिन १३ सय ८२ मेगावाट पुगेको छ । नेपाल विद्युत् प्राधिकरणले १३ सय ९६ मेगावाट पुग्ने अनुमान गरेकामा १३ सय ८२ मेगावाट पुगेको हो । लक्ष्मी पूजाका दिन वर्षकै सबैभन्दा बढी माग हुने अनुमान छ । लक्ष्मी पूजाको दिन खुसियालीका रूपमा दीप प्रज्वलन गरिने कारण विद्युत्को माग सबैभन्दा अधिकतम हुने गर्छ । गत वर्ष लक्ष्मीपूजाका दिन विद्युत्को माग १२ सय ९१ पुगेको थियो । ‘लक्ष्मी पूजाका दिन १३ सय ८२ मेगावाट विद्युत् माग पुगेको छ ।’ प्राधिकरण भारप्रेषण केन्द्रका प्रमुख भुवन क्षत्रीले भने, ‘सामान्यता लक्ष्मीपूजाका दिन वर्षको सबैभन्दा बढी माग हुन्छ, कहिलेकाहीँ हिउँदमा पनि योभन्दा बढी हुन सक्छ ।’ 

प्रकाशित मिति: २०१५-११-१५ 
http://www.erajdhani.com/article/0717046001447553606