तस्विर : कारोबार
काठमाडौंः बेनीखोला पावर प्रोजेक्ट प्रालिले निर्माण गर्न लागेको १८ मेगावाटको सोलुखोला जलविद्युत् आयोजनाका लागि लगानी जुटेको छ । एनएमबी बैंकको नेतृत्वमा २ अर्ब २८ करोड रुपैयाँ ऋण लगानी सम्झौता भएसँगै आयोजनाका लागि लगानी जुटेको हो ।
आयोजनामा नेपाल बंगलादेश बैंक, सिद्धार्थ डेभलपमेन्ट बैंक, भिबोर विकास बैंक र जलविद्युत् लगानी तथा विकास कम्पनी लिमिटेड (एआईडीसीएल)ले लगानी गरेका छन् । सोमबार राजधानीमा आयोजित कार्यक्रममा प्रवद्र्धक बेनीखोलाको तर्फबाट निर्देशक गणेश कार्की र बैंकको तर्फबाट नवीन मानन्धरले हस्ताक्षर गरे ।
कुल लागत ३ अर्ब २६ करोड रुपैयाँ रहेको आयोजनामा ७० प्रतिशत ऋण र ३० प्रतिशत स्वँपुजी रहेको आयोजनाबाट आउँदो ०७६ माघ १ गतेदेखि विद्युत् उत्पादन गर्ने लक्ष्य राखिएको निर्देशक कार्कीले जानकारी दिए । आयोजनाले नेपाल विद्युत् प्राधिकरणबीच विद्युत् खरिद–बिक्री सम्झौता (पीपीए) गरिसकेको छ ।
निर्माणाधीन रहेकै अवस्थामा आयोजनाले लगानी जुटाउन नसकेको आरोप लगाउँदै अख्तियार दुरुपयोग अनुसन्धान आयोगको निर्देशनमा ऊर्जा मन्त्रालयले उत्पादन अनुमतिपत्र (लाइसेन्स) खारेज गरेपछि झण्डै २ वर्षपछि मन्त्रालयले लाइसेन्स ब्यँुत्याएको थियो । १ सय ४० मिटर सुरुङ खन्ने काम गरिसकेपछि सो लाइसेन्स खारेज भएको थियो ।
ऋण सम्झौता कार्यक्रममा पूर्वमन्त्री एवं सांसद बलबहादुर केसी, एमाले सचिव योगेश भट्टराई, स्वतन्त्र ऊर्जा उत्पादकहरुको संस्था ईप्पानका अध्यक्ष शैलेन्द्र गुरागाईं, प्रवद्र्धक कम्पनीका अध्यक्ष पीजी शेर्पालगायतले आयोजनाबारे चर्चा गरेका थिए ।
http://www.karobardaily.com/news/72508
No comments:
Post a Comment