काठमाडौं÷रास– विद्युत् विकास विभागले ३७ मेगावाटको माथिल्लो त्रिशूली–३ बी जलविद्युत्सहित चार आयोजनालाई उत्पादन लाइसेन्स दिएको छ । विभागका सूचना अधिकारी गोकर्णराज पन्थका अनुसार, ४५ मेगावाट बराबरका चार आयोजनालाई उत्पादन लाइसेन्स दिइएको हो ।
विभागका अनुसार, नुवाकोटको माथिल्लो त्रिशूली–३ बीका साथै २ दशमलव १५ मेगावाटको दैलेखको पराजुली खोला, १ दशमलव ७ मेगावाटको लमजुङको छान्दी खोला, ४ दशमलव २ मेगावाटको दैलेखकै लोहोरे खोलाले उत्पादन लाइसेन्स पाएका छन् । विभागका अनुसार हालसम्म २०३१ मेगावाट बराबरको ७५ आयोजनाले उत्पादन लाइसेन्स पाइसकेका छन् ।
No comments:
Post a Comment