बुझबुझारथ गर्न प्राधिकरणले गुहा¥यो अख्तियार

भीम गौतम\राजधानी
काठमाडौं, २३ असोज
नेपाल विद्युत् प्राधिकरणले हेटांैडास्थित केन्द्रीय भण्डारभित्र रहेका सामान बरबुझारथका लागि अख्तियार दुरुपयोग अनुसन्धान आयोग गुहारेको छ । प्राधिकरण व्यवस्थापनले बुझबुझारथका लागि प्रयास गरे पनि ट्रान्सफर्मर प्रकरणको कारण त्रसित कर्मचारीले साथ नदिएपछि अख्तियार गुहारिएको हो ।

अख्तियारले केन्द्रीय भण्डारमा कार्यरत इन्जिनियर नारायण चौधरी र सहायक सरोज श्रेष्ठलाई ट्रान्सफर्मर प्रकरणमा पक्राउ गरी अख्तियारले मुद्दा दायर गरेपछि विगत दुई महिनादेखि भण्डारको काम ठप्प छ । भण्डारभित्र रहेका करिब ५० हजार ओटा मिटर बुझबुझारथ गर्न नसक्दा र अख्तियारको ‘भूत’ ले कोही कर्मचारी जान नमान्दा अहिले देशभर मिटरको हाहाकार छ । प्राधिकरणका अनुसार बुझबुझारथका लागि प्राधिकरण मध्यामाञ्चल क्षेत्रीय कार्यालयका प्रमुख रामएकबाल यादवको संयोजकत्वमा केन्द्रीय कार्यालयका प्रतिनीधिसमेत रहेको समिति गठन गरिएको छ ।

प्रमुख यादवले नै समितिको संयोजक बन्न अस्वीकार गरेपछि प्रमुख जिल्ला अधिकारी एकनारायण अर्यालको रोहवरमा बस्ने गरी प्राधिकरण हेटांैडा वितरण प्रमुख अञ्जनीकुमार मिश्रको संयोजकत्वमा प्राधिकरणले अर्को समिति गठन गरेको थियो । तर, प्रमुख जिल्ला अधिकारी अर्यालले समितिमा बस्न अस्वीकार गरे । सबैले ट्रान्सफर्मर प्रकरणको कारण समितिमै बस्न अस्वीकार गरेपछि प्राधिकरण व्यवस्थापनले अख्तियारकै रोहबरमा बुझबुझारथका लागि पत्र लेखेको लेख्यो ।

‘क्षेत्रीय प्रमुखदेखि प्रमुख जिल्ला अधिकारीसमेतले समितिमा बस्न नमानेपछि अख्तियार गुहार्न बाध्य भएका हौं,’ प्राधिकरणका एक अधिकारीले भने, ‘अख्तियारले समेत भण्डारमा रहेका दुवै थुनामुक्त भएकाले उनीहरूमार्फत बुझबुझारथ गर्नका लागि प्राधिकरणलाई पत्र लेखेको छ, अब तत्कालीन कर्मचारीहरूले मान्छन् कि मान्दैनन् ।’ प्राधिकरण प्रवक्ता शेरसिंह भाटले भने बुझबुझारथका लागि प्राधिकरणले प्रक्रिया अघि बढाएको र छिट्टै भइसक्ने बताए । ट्रान्सफर्मर प्रकरणकै कारण केन्द्रीय भण्डारमा कोही कर्मचारी जान नमानेपछि प्राधिकरण व्यवस्थापनले असारको दोस्रो साता बल्ल रवीन्द्र शाहलाई सरुवा गरेको थियो ।

प्राधिकरणको ग्राहक तथा वितरण निर्देशनालयले सोमबार शाहलाई रमाना दिनका लागि क्षेत्रीय कार्यालय हेटांैडालाई पत्र लेखे पनि शाहले समेत भण्डारमा जान अस्वीकार गरेका छन् । उनले प्राधिकरणलाई निवेदन लेखेर जान नसक्ने उल्लेख गरेपछि अब को कर्मचारी पठाउने अन्योलता बढेको छ । पहिला प्राधिकरण ग्राहक तथा वितरण निर्देशनालयमा जानका लागि कर्मचारीबीच सोर्सफोर्स र अस्वस्थ प्रतिस्पर्धा नै चल्ने भए पनि ट्रान्सफर्मर प्रकरणपछि कर्मचारी जान अटेर गर्न थालेका छन् । भण्डारमा कर्मचारी नहुँदा रहेका करिब ५० हजार मिटर वितरण हुन नसक्दा अहिले नयाँ मिटरको चरम अभाव भएको छ भने दसंैको मुखमा सर्वसाधारण अन्धकारमा बस्नुपर्ने अवस्था आएको छ ।

प्राधिकरणका अनुसार, देशभरका ९० वितरण केन्द्रबाट करिब ३० हजार नयाँ मिटरका लागि निवेदन दिए पनि सर्वसाधारणले पाउन सकेका छैनन् । मिटर अभावको कारण नयाँ घर बनाएर आगामी दसंैमा सर्ने तथा घर झिलिमिली बनाउने कतिपय सर्वसाधारणको सपना पनि अधुरो बनेको छ । ‘नयाँ मिटर दिन नसक्दा विद्युत् चोरीको सम्भावना बढ्छ तर बुझबुझारथ हुन नसक्दा प्राधिकरणले लाखौं घाटा बेर्हानुपर्ने अवस्था आएको छ,’ प्राधिकरणका ती अधिकारीले भने । कम्प्युटर एडेड इन्भेन्टरी सिस्टम (सीएआईएस) मार्फत मात्र मिटर वितरण गरिने गरिएको छ ।

प्राधिकरणका अनुसार, प्रत्येक महिना देशभर करिब २० हजार मिटरको आवश्यकता पर्छ । गुणस्तरहीन ट्रान्सफर्मर खरिद प्रकरण चर्केसँगै त्यसको असर मिटर खरिदमा समेत पर्दा विगत एक वर्Èदेखि नयाँ मिटर किनिएको छैन । प्रत्येक ६÷६ महिनामा ट्रान्सफर्मर किन्नुपर्ने भए पनि विगत एक वर्Èदेखि खरिद नहु“दा भण्डारमा रहेका मिटर वितरण गरे पनि थप समस्या आउने प्राधिकरणका कर्मचारीहरू बताउँछन् ।

२ लाख नया“ मिटर किन्ने प्रक्रिया सुरु गरे पनि त्यो प्रक्रियासमेत अघि बढ्न सकेको छैन । टेन्डरलगायत सबै प्रक्रिया पूरा गरेर नया“ मिटर किन्न कम्तीमा ६ महिना लाग्छ तर भएको मिटरले करिब दुई महिना मात्र पुग्ने भएकाले मिटरको समेत समस्या भयावह हुने अवस्था देखिएको हो ।

http://erajdhani.com/en/business/16544----y-