राजधानी समाचारदाता
काठमाडौं, २७ मंसिर
सार्क राष्ट्रभित्र ऊर्जाको विकास, विस्तार र प्रवद्र्धनका लागि प्रसारण लाइन राजमार्ग बनाउनुपर्नेमा सरोकारवालाले जोड दिएका छन् । सार्क उद्योग वाणिज्य महासंघले बिहीबार राजधानीमा आयोजना गरेको ऊर्जा सहयोग, वातावरण परिवर्तन र जल व्यवस्थापन विषयक क्षेत्रीय एकीकरण पहल कार्यक्रममा उनीहरूले सार्क राष्ट्रभित्र प्रसारण लाइनको राजमार्ग बनाएर ऊर्जा विकास र विस्तारमा सहकार्य हुनुपर्नेमा जोड दिएका हुन् ।
काठमाडौं, २७ मंसिर
सार्क राष्ट्रभित्र ऊर्जाको विकास, विस्तार र प्रवद्र्धनका लागि प्रसारण लाइन राजमार्ग बनाउनुपर्नेमा सरोकारवालाले जोड दिएका छन् । सार्क उद्योग वाणिज्य महासंघले बिहीबार राजधानीमा आयोजना गरेको ऊर्जा सहयोग, वातावरण परिवर्तन र जल व्यवस्थापन विषयक क्षेत्रीय एकीकरण पहल कार्यक्रममा उनीहरूले सार्क राष्ट्रभित्र प्रसारण लाइनको राजमार्ग बनाएर ऊर्जा विकास र विस्तारमा सहकार्य हुनुपर्नेमा जोड दिएका हुन् ।
विश्वभरकै प्राकृतिक स्रोतका लागि नेपाल धनी देश भएको भन्दै कार्यक्रममा सहभागी सार्क राष्ट्रभित्रका प्रतिनिधिहरूले सार्कभित्र एउटै प्रसारण लाइन बनाएर विद्युत् व्यापार आदानप्रदान गर्न सकिने बताएका थिए । सार्क इनर्जी ग्रिडबारे कार्यपत्र प्रस्तुत गर्दै नेपाल विद्युत् प्राधिकरणका उपकार्यकारी निर्देशक शेरसिंह भाटले भारतसँग भुटान र बंगलादेशको कनेक्सन भइसकेको तथा नेपाल र भारतबीचको अन्तरदेशीय प्रसारण लाइन निर्माणको चरणमा रहेको जानकारी दिए ।
भारत र श्रीलंकाबीचको अन्तरदेशीय प्रसारण लाइन अध्ययनको चरणमा रहेको जानकारी दिँदै उपकार्यकारी निर्देशक भाटले राजमार्ग निर्माणका लागि बजार र प्रसारण लाइन एकीकरण गर्नुपर्नेमा जोड दिए । सार्क इनर्जी केन्द्रका निर्देशक हेलाल राजा, बेटा पाकिस्तानका हबिब रहमान, बंगलादेशको इनर्जी एन्ड पावर बंगलादेशका मोलाह होसिनलगायतले सार्क राष्ट्रभित्रको ऊर्जा विकास, विस्तार तथा अन्तरदेशीय व्यापार प्रबद्र्धनका लागि एकीकृत र सामूहिक पहलको खाँचो रहेकामा जोड दिएका थिए ।
कार्यक्रमको उद्घाटन गर्दै ऊर्जामन्त्री उमाकान्त झाले सार्क राष्ट्रभित्र ऊर्जाको विकासका लागि ऊर्जा मिक्सको अवधारणा अघि बढाउनुपर्ने बताउँदै सबै राष्ट्रले जित्ने गरी सामूहिक लक्ष्य निधारण गरेर अघि बढ्नुपर्ने बताए । पीटीसी इन्डियाका कार्यकारी निर्देशक डा. राजीव मिश्रले सार्क क्षेत्रभित्र प्रसारण लाइनको पहुँच तथा ऊर्जा आदानप्रदानका लागि सामूहिक संयन्त्र र पहल हुनुपर्नेमा जोड दिए ।
सार्कका महासचिव अहमद सलाम, उद्योग वाणिज्य महासंघका उपाध्यक्ष प्रदीपकुमार श्रेष्ठ, सार्क ऊर्जा समितिका अध्यक्ष ज्ञानेन्द्रलाल प्रधानलगायतले सार्कभित्र ऊर्जाको स्वतन्त्र व्यापार गर्ने वातावरण निर्माण गर्नुपर्नेमा जोड दिएका थिए ।
No comments:
Post a Comment