त्रिशूलीलाई पीडीए वार्ताका लागि पत्र

काठमाडांै÷रास— ऊर्जा मन्त्रालयले २ सय १६ मेगावाटको माथिल्लो त्रिशूली–१ जलविद्युत् आयोजनालाई आयोजना विकास सम्झौता (पीडीए) वार्ताका लागि बिहीबार पत्र पठाएको छ । आठ महिनाअघि पीडीएका लागि निवेदन दिएको माथिल्लो त्रिशूलीलाई मन्त्रालयले वार्ताका लागि आह्वान गरेको हो ।

आगामी जनवरीको दोस्रो साताभित्र पीडीएबारे वार्ताका लागि माथिल्लो त्रिशूली ए जलविद्युत्को मुख्य लगानीकर्ता कोरियाको साउथ इस्ट इलेक्ट्रिक कम्पनीलगायतलाई वार्तामा बोलाएको मन्त्रालयका सहसचिव एवं प्रवक्ता केशवध्वज अधिकारीले जानकारी दिए ।

करिब ५० अर्ब रुपैया“ लागत रहेको आयोजनाले सन् २०१९ देखि व्यावसायिक विद्युत् उत्पादन गर्ने लक्ष्य राखेको छ । परियोजनामा कोरियाको साउथ इस्ट इलेक्ट्रिक कम्पनीको ५०, अन्तर्राष्ट्रिय वित्तीय निगम (आईएफसी)को १५, डेलियम इन्डस्ट्रियलको १५, क्रेयङ कन्स्ट्रक्सन कम्पनीको १० र नेपाली नागरिकको १० प्रतिशत लगानी रहनेछ । कोरियालीको मुख्य लगानी हुने आयोजनाले सन् २००७ मा सर्भे लाइसेन्स पाएको थियो ।

http://erajdhani.com/en/business/20181-----