निजी क्षेत्रलाई प्रसारण लाइन बनाउन दिने निर्णय राहुघाटका ठेकेदारलाई ४ करोड

राजधानी समाचारदाता
काठमाडौं, २६ मंसिर-नेपाल विद्युत् प्राधिकरणले निजी क्षेत्रलाई प्रसारण लाइन निर्माण गर्न दिने निर्णय गरेको छ । प्राधिकरण सञ्चालक समितिको बुधबार बसेको बैठकले प्रतिस्पर्धाका आधारमा बुट मोडेलमा निजी क्षेत्रलाई प्रसारण लाइन निर्माण गर्न दिने निर्णय गरेको प्राधिकरण सञ्चालक सदस्य मनोज मिश्रले जानकारी दिए । त्यसैगरी, बैठकले प्रसारण लाइन निर्माणका क्रममा विभिन्न क्षेत्रमा ऐलानी जग्गामा बसेका सुकुमबासीहरूले क्षतिपूर्ति माग्दै अवरोध गरेपछि उनीहरूलाई समेत यथोचित् रूपमा क्षतिपूर्ति दिने निर्णयसमेत गरेको छ ।

त्यसैगरी, बैठकले राहुघाट जलविद्युत् आयोजनाको सिभिल ठेकेदार आईभीआरसीएल लिमिटेडलाई ३ करोड ९३ लाख रुपैयाँ दिने निर्णय गरेको छ । आयोजनामा ढिलाइ भएको तथा सुरक्षाका कारण समस्या भएको भन्दै राहुघाटले रकम दाबी गरेकोमा सो रकम दिने निर्णय गरेको हो । तीन वर्Èअघि ठेकेदारको छनोट भए पनि परामर्शदाता स्वीकृतिमा भारतीय एक्जिम बैंकले ढिलाइ गर्दा सिभिल निर्माण प्रभावित हुँदै आएको छ ।

प्राधिकरण सञ्चालक समिति सदस्य लक्ष्मणप्रसाद अग्रवालको संयोजकत्वमा रहेको समितिले १४ करोड २० लाख रुपैयाँमा नेगोसेसन गरेकोमा त्यो बेलामा बोर्ड बैठकले परामर्शदाताको सुझावका आधारमा भुक्तानी दिने निर्णय गरेको थियो । परामर्शदाता वाकपोसले भने ३ करोड ९३ लाख रुपैयाँ दिन सिफारिस गरेको थियो ।

http://erajdhani.com/en/business/19438------------