भीम गौतम, प्रदीप न्यौपाने\राजधानी
काठमाडौं, २४ कात्तिक
काठमाडौं, २४ कात्तिक
पहिलो चरणको घरदैलो अभियान सकाएका राजनीतिक दलहरूले काठमाडौं उपत्यकामा नमुना मतपत्रसहित घरदैलो अभियान सुरु गरेका छन् । उनीहरूले आङ्खनो निर्वाचन चिह्नमा स्वस्तिक छापसहित उचित (बदर नहुने र पट्याउने तरिकासहित) भोट हाल्नसमेत सिकाएका छन् । कतिपय उम्मेदवार यो काममा आफंै सक्रिय देखिन्छन् भने कतिपयले मतपत्रसहित आङ्खना कार्यकर्तालाई घरदैलोमा पठाएका छन् ।
प्रमुख दल एकीकृत माओवादी, नेपाली कांग्रेस, नेकपा एमालेलगायतका दलले आङ्खनो पार्टीको चिह्नसहित घरघरमा पुगेर मत माग्ने अभियान सुरु गरेका हुन् । प्रमुख दलहरूले सकेसम्म काठमाडौं क्षेत्रका सबै घरघरमा नमुना मतपत्रसहित भोट माग्ने योजनाका साथ अघि बढेको ती दलहरूले जनाएका छन् ।
तीन मुख्य दलले नै सकेसम्म घरघरमा सम्बन्धित क्षेत्रको उम्मेदवारसहित नै र सम्भव नभएमा पार्टीको स्थानीय वडा र गाविस एकाइमार्फत नमुना मतपत्रसहित भोट माग्ने योजना बनाएका छन् । पहिला उम्मेदवार अर्थात् व्यक्तिलाई विशेष फोकस गरेर घरदैलोदेखि चुनावी अभियान गरेका उनीहरूले अहिले भने चुनावी चिह्नलाई बढी जोड दिएर भोट मागिरहेका छन् ।
एकीकृत माओवादी नेवा राज्य समितिका इन्चार्ज एवं काठमाडौं क्षेत्र नम्बर–९ का उम्मेदवार देवेन्द्र पौडेलले काठमाडौंका सबै क्षेत्रका बुथबुथका लागि नमुना मतपत्र पठाइसकेको र माओवादीले नमुना मतपत्रसहित भोट माग्ने अभियान सुरु गरिसकेको जानकारी दिए । ‘पहिला सांस्कृतिक कार्यक्रम, घरदैलो र आमसभामार्फत बढी प्रचार–प्रसारमा जुटेका थियौं, अहिले नमुना मतपत्रसहित माओवादीले भोट मागिरहेको छ,’ उनले भने, ‘पार्टीका कार्यकर्ताहरू सहरका वडादेखि गाउँगाउँसम्म खटिएका छन्, अब छाप नै यसरी लगाउने भनेर भोट मागिरहेका छांै ।
’ नमुना मतपत्र बोकेर गाउँघरमा पुगेका कांग्रेस नेतासमेत प्रशिक्षण सकेर नमुना मतपत्रसहित भोट माग्न व्यस्त छन् । कांग्रेस काठमाडौं सभापति एवं काठमाडौं–६ का उम्मेदवार भीमसेनदास प्रधानले अगुवा कार्यकर्ताहरूलाई प्रशिक्षण दिएर नमुना मतपत्रसहित आ–आङ्खनो क्षेत्रमा पठाएको जानकारी दिए । ‘नाम, नम्बरसहित निर्वाचन आयोगको वेबसाइटबाट संकलन गर्दै कांग्रेसमा मतदान गर्न क्षेत्रीय कार्यालयमार्फत मतदाताको घरघरमा नमुना मतपत्र पठाएका छौं,’ उनले भने, ‘अब कांग्रेसको बढी फोकस नमुना मतपत्रसहित घरघरमा पुगेर मतदातासँग भोट माग्न नै केन्द्रित हुन्छ ।’ कांग्रेसले साना सभा तथा अन्य भेटघाटलाई समेत जोड दिन लागेको छ ।
एमाले काठमाडौंले पनि नमुना मतपत्र उपत्यकाका सबै क्षेत्रमा पठाएको छ भने उम्मेदवारले समेत नमुनापत्रसहित भोट माग्न सुरु गरिसकेका छन् । ‘उपत्यकाका एमाले उम्मेदवारहरूले नमुना मतपत्र, पार्टीको घोषणापत्र र छुट्टै रूपमा बनाएको स्थानीय घोषणापत्रसहित प्रत्येक घरधुरीमा पुनः पुग्दै छांै,’ एमाले काठमाडौंका अध्यक्ष एवं क्षेत्र नम्बर–४ का उम्मेदवार निर्मल कुइँकेलले भने, ‘मेरो क्षेत्रमा त अझ मतदाताको फोटोसहितको परिचयपत्रसहित समेत मत माग्न सुरु गरिसकेका छौं ।’ पहिलो चरणमा घरघरमा पुगेर बाहिरबाटै नमस्ते गर्दै मत मागिरहेका उम्मेदवारहरूले घरमै पुगेर नमुना मतपत्र दिई आङ्खनो पार्टीको चिह्नमा भोट हाल्न भनिरहेका छन् ।
तीनै दलले आङ्खना तल्ला एकाइमार्फत नमुना मतपत्रसहित चुनावी अभियान अघि बढाएपछि उम्मेदवारको अघिपछि हिँड्ने कार्यकर्ताहरू समेत विकेन्द्रित भएका छन् । दोस्रो संविधानसभाको चुनाव आउन ८ दिन मात्र बाँकी रहे पनि नमुना मतपत्रसहित उम्मेदवार न्युरोड क्षेत्रमा नआएको स्थानीय रत्न श्रेष्ठले जानकारी दिए । ‘पहिला–पहिला त यसरी हाम्रो पार्टीलाई भोट हाल्नुस् भनेर आउँथे, तर अझैसम्म आएका छैनन्,’ उनले भने ।
प्रमुख दलहरूले आङ्खनो पार्टीको चिह्नभित्र स्वस्तिक छाप हानेको नमुना मतपत्रसहित मतदाताहरूलाई मत हाल्न समेत सिकाइरहेका छन् । आङ्खना मतदाताले हालेको मत रद्द नहोस् तथा प्रत्यक्ष र समानुपातिक दुवैमा सजिलै हाल्न सकून् भन्ने उद्देश्यसहित घरधुरीसम्म पुगेर आङ्खनो पार्टीलाई मत हाल्न सिकाउने लक्ष्यसहित अभियान अघि बढाइरहेका छन् ।
No comments:
Post a Comment