तामाकोसीको सेयर आवेदन म्याद १५ चैतसम्म

काठमाडौं÷रास— निर्माणाधीन ४ सय ५६ मेगावाटको माथिल्लो तामाकोसी जलविद्युत् प्रवद्र्धक कम्पनी अपर तामाकोसी हाइड्रोपावर कम्पनीले सेयर आवेदनको म्याद थपेको छ ।

ऋण प्रदायक संस्थाका साथै नेपाल विद्युत् प्राधिकरण र तामाकोसी कम्पनीका कर्मचारी तथा सञ्चयकर्ताका लागि ११ फागुनदेखि खुला गरेको सेयर आवेदनको म्याद १५ चैतसम्मका लागि थप गरेको हो । माथिल्लो तामाकोसी कम्पनीको अनुरोधको आधारमा म्याद थप्नका लागि नागरिक लगानी कोषलाई पत्र लेखेको थियो । ‘टाढाटाढा रहेका सञ्चयकर्ताले समेत आवेदन भर्न सहयोग होस् भन्ने उद्देश्यले म्याद थप गरिएको हो,’ कोषका प्रवक्ता सुशील अर्यालले भने । माथिल्लो तामाकोसीका प्रवक्ता डा. गणेशप्रसाद न्यौपानेले दुर्गमका कर्मचारीले सेयर हाल्न समस्या देखिएपछि कोषलाई म्याद थप्नका लागि अनुरोध गरिएको जानकारी लिए ।

कर्मचारी सञ्चय कोष, नेपाल टेलिकम, बिमा संस्थान र नागरिक लगानी कोषले सो आयोजनामा ऋण लगानी गरेका छन् । यी सबै संस्थाका कर्मचारी तथा सञ्चय कोषका सञ्चयकर्ताका लागि २४ प्रतिशत सेयर आह्वान गरिएको सेयर निष्कासन तथा बिक्री प्रबन्धक नागरिक लगानी कोषले जनाएको छ । सेयरका लागि सह–निष्कासन तथा बिक्री प्रबन्धक भने एनसीएम मर्चेन्ट बैकिङ लिमिटेड छ । दोलखा जिल्लाका स्थानीयवासीलाई भने १ चैतदेखि सेयर आह्वान गर्न लागिएको छ ।

कोषका प्रवक्ता अर्यालका अनुसार, बुधबारसम्म ७७ हजारले २ अर्ब ४० करोड ४ लाख रुपैयाँबराबर सेयर हालिसकेका छन् भने ३ लाख ६० हजार फारार्म वितरण भइसकेको छ । ७५ हजार सञ्चयकर्ताले २ अर्ब १० करोड, प्राधिकरणका २ हजार कर्मचारीले २० करोड तथा टेलिकमका २ सय कर्मचारीले ४ लाख रुपैयाँबराबर सेयर आवेदन हालेका छन् ।बिमा संस्थान, लगानी कोष र सञ्चय कोषका कर्मचारीलाई सेयर दिने विवाद रहेकाले हालसम्म उनीहरूले आवेदन दिइसकेका छैनन् ।

माथिल्लो पेनस्टक साफ्ट सुरु

काठमाडौं÷रास— माथिल्लो तामाकोसी जलविद्युत् आयोजनाको सबैभन्दा बढी जटिल मानिने ३ सय १० मिटर माथिल्लो पेनस्टक साङ्खट (इनार) को सुरुङ निर्माण सुरु भएको छ ।

१६ दशमलव ५ किलोमिटर सुरुङमध्ये सबैभन्दा जटिल समस्याका रूपमा रहेको माथिल्लो पेनस्टक साफ्ट बुधबारदेखि सुरु भएको हो । गत माघको पहिलो साता ३ सय ७४ मिटरको तल्लो पेनस्टक साफ्ट सुरुङ निर्माण पूरा भएको थियो । आयोजनाका प्रवक्ता डा. गणेशप्रसाद न्यौपानेले माथिल्लो पेनस्टक साफ्टको काम सुरु गरिएको जानकारी दिए ।

http://rajdhani.com.np/article/0138263001425531089