स्थापनाको २२ वर्षपछि वार्षिकोत्सव

काठमाडौं÷रास– स्थापना भएको २२ वर्षपछि ऊर्जा मन्त्रालयअन्तर्गतको विद्युत् विकास विभागले पहिलोपटक वार्षिकोत्सव मनाएको छ ।राजधानीस्थित सानो गौचरणको आफ्नो निर्माणाधीन भवनमा विभागले २२औं वार्षिकोत्सव मनाएको हो । जलविद्युत् क्षेत्रमा लाइसेन्स प्रदान र नवीकरण, निजी क्षेत्रको प्रवद्र्धन, अनुगमन, निरीक्षण र अध्ययनका लागि १ साउन २०५० मा विद्युत् विकास केन्द्र स्थापना गरिएको थियो भने पछि यसलाई विभागका रूपमा परिणत गरिएको थियो ।

वार्षिकोत्सवमा विद्युत् विकास विभागका पूर्वमहानिर्देशक एवं पूर्वउपमहानिर्देशकलगायतलाई सम्मान गरिएको थियो । कार्यक्रममा ऊर्जामन्त्री राधा ज्ञवालीले चालु आर्थिक वर्षको बजेटमा जलविद्युत् आयोजनाहरूको अध्ययनलाई बढी जोड दिइएको बताउँदै नेपाल र भारतबीच भएको विद्युत् व्यापार सम्झौता (पीटीए) ले नेपालको जलविद्युत् क्षेत्रमा आकर्षण बढेको बताइन् ।

ऊर्जासचिव राजेन्द्रकिशोर Ôत्रीले विभागका कर्मचारीहरू निजी प्रवद्र्धकको पक्षमा लागेर विवाद आउन नहुने बताउँदै अहिलेको कानुन परिमार्जन गरेर लगानीमैत्री बनाउन लागेको जानकारी दिए । विभागका महानिर्देशक दिनेशकुमार घिमिरेले आयोग सानादेखि ठूला आयोजनाहरूको अध्ययनका लागि अघि बढेको बताए ।

http://erajdhani.com/article/0264388001437269777