ट्रान्सफर्मर प्रकरणमा मुछिएका सात कर्मचारी धरौटीमा रिहा

भीम गौतम/राजधानी

काठमाडौं, १५ फागुन । ट्रान्सफर्मर खरिदमा भ्रष्टाचार गरेको अभियोगमा अख्तियार दुरुपयोग अनुसन्धान आयोगद्वारा विशेष अदालतमा मुद्दा दायर गरिएका नेपाल विद्युत् प्राधिकरणका सात कर्मचारीहरू धरौटीमा रिहा भएका छन् । सात कर्मचारीहरूसँग ५० हजारदेखि १३ लाख रुपैयाँसम्म धरौटी लिएर उनीहरूलाई रिहा गरिएको हो ।
प्राधिकरणको ठेक्का नम्बर डीसीएस–२०६६/६७–१४ अन्तर्गत चीनको ‘सिचुआन दोङफाङ ट्रान्सफर्मर कम्पनी’बाट खरिद गरिएका ५ सय ७५ थान ट्रान्सफर्मरमा संस्थागत भ्रष्टाचार गरेको भन्दै अख्तियारद्वारा शुक्रबार अदालतमा मुद्दा दायर गरेका १४ मध्ये सातजना कर्मचारी बुधबार धरौटीमा रिहा भएका हुन् । विशेष अदालतमा पूर्व तीन महाप्रबन्धकसहित १४ जनाविरुद्ध विशेÈ अदालतमा मुद्दा दायर भएको थियो ।
अख्तियारले ती ट्रान्सफर्मरको खरिददेखि भण्डारणसम्मका प्रक्रियामा भ्रष्टाचार भएको भन्दै अख्तियारले सबैबाट जनही ७ करोड ९१ लाख २८ हजार ५ सय ३८ रुपैया“ बिगो असुल गराई त्यति नै बराबरको जरिवाना सजाय भराउन माग गरेको थियो ।
विशेष अदालतले प्राधिकरणका तत्कालीन कार्यकारी निर्देशक सचिवालयका निर्देशक अष्टरत्न शाक्य र उपप्रबन्धक त्रिपुरारीप्रसाद सिंहसँग जनही १३/१३ लाख प्रबन्धक कैलाशप्रसाद अटल धरौटी तोकेको छ । तत्कालीन सहनिर्देशक डिल्लीरमण दाहाललाई ५० हजार, सहायक प्रबन्धक सुरेन्द्रप्रसाद पनेरुसँग ७५ हजार, लेखा अधिकृत सुरेशकुमार कटुवालसँग ७५ हजार, केन्द्रीय भण्डारण प्रमुख तथा इन्जिनियर नारायणप्रसाद चौधरीसँग ७५ हजार र लेखा अधिकृत सुरेशकुमार कटुवालसँग ७५ हजार रुपैयाँ धरौटी मागेको छ ।
उनीहरू सबै धरौटी राखेर रिहा भएको विशेष अदालतले जनाएको छ । अख्तियारले सो प्रकरणमा ट्रान्सफर्मर खरिददेखि
भण्डारण प्रक्रियासम्म संलग्न तत्कालीन कार्यकारी निर्देशक जीवेन्द्र झा, महाप्रबन्धकहरू रामेश्वर यादव, युगलकिशोर शाह र चिरञ्जीवी शर्मा, सहनिर्देशक हरिशबहादुर पाल, सहायक लेखा अधिकृत सुशीलप्रसाद खनाल, भण्डारण सहायक सरोज श्रेष्ठलगायत विरुद्धसमेत विशेष अदालतमा मुद्दा दायर गरेको थियो । उनीहरूबारे भने विशेष अदालतले बयान लिइरहेको छ ।
अख्तियारले यसअघि तीन ट्रान्सफर्मर खरिद प्रकरणमा करिब १ अर्ब रुपैया बिगो दाबी गर्दै विशे अदालतमा ४६ जनाविरुद्ध मुद्दा दायर गरिसकेको छ ।
प्राधिकरणद्वारा गुणस्तरहीन ट्रान्सफर्मरबारे गठित पूर्वसञ्चालक डा.केपी दुलाल उपसमितिको छानबिनमै नपरेका पा“च कम्पनीमध्ये सिचुवान पनि एक हो । गुणस्तरहीन ट्रान्सफर्मर प्रकरणमा संलग्न कर्मचारीबारे छानबिन गर्न पूर्वसञ्चालक सदस्य मोहनराज पन्तको संयोजकत्वमा गठित समितिले दिएको प्रतिवेदनमा अर्का पूर्वसञ्चालक सदस्य डा.दुलालको संयोजकत्वमा रहेको समितिले कम्पनीद्वारा खरिद ट्रान्सफर्मर छानबिनमा नपरेको उल्लेख छ ।
प्रतिवेदनमा सिचुवानसहित पिपल्स इलेक्ट्रिक एलायन्स ग्रुप चीन, एसभीआर इलेक्ट्रिकल्स कम्पनी भारत तथा जेके होल्डिङ चीन र द वेम्स गु्रप ट्रेडिङ र सहवान्त इलेक्ट्रिक कम्पनी थाइल्यान्डद्वारा खरिद गरिएका ट्रान्सफर्मरहरू छानबिनमा नपरेको उल्लेख भए पनि अख्तियारले ती सबै कम्पनीमार्फत खरिद ट्रान्सफर्मरबारे अनुसन्धान अघि बढाइसकेको छ ।
पूर्वसञ्चालक मुकेश काङ्खले र डा. दुलालको संयोजकत्वमा गठित समितिले २०६३ देखि २०६८ सम्म ६ कम्पनीद्वारा खरिद गरिएका ४ हजार ६ सय ५७ ट्रान्सफर्मर गुणस्तरहीन भएको प्रतिवेदन दिएको थियो । दुलाल प्रतिवेदनमा पा“च कम्पनीबाट खरिद ट्रान्सफर्मरबारे छानबिन गरिएको छैन ।

http://erajdhani.com/en/business/23463-2014-02-26-23-45-37