प्राधिकरणका पाँचविरुद्ध विशेष अदालतमा आरोपपत्र

राजधानी समाचारदाता

काठमाडौं, २८ माघ । अख्तियार दुरुपयोग अनुसन्धान आयोगले नेपाल विद्युत् प्राधिकरणका पाँच कर्मचारीविरुद्ध सोमबार विशेष अदालत काठमाडौंमा आरोपपत्र दायर गरेको छ ।
प्राधिकरण इटहरी केन्द्रका स्टोरकिपर अर्जुन कटुवाललगायतका पाँचजना कर्मचारीविरुद्ध अख्तियारले केन्द्रको जिन्सी सामानको भौतिक परीक्षण गरी प्रतिवेदत तयार गर्दा गलत विवरण भएको जिन्सी परीक्षण प्रतिवेदनलाई साँचो सत्य भनी कार्यालयमा पुष्टि गरेर भ्रष्टाचार गरेको भन्दै अख्तियारले आरोपपत्र दायर गरेको हो । अख्तियारले भ्रष्टाचार ऐन–२०५९ को दफा १९ को उपदफा २ का कसुरमा सोही ऐनको दफा १९ (२) बमोजिम कटुवालसहित इन्जिनियरद्वय मनोज ठाकुर र इम्तियाज आलम, लेखा अधिकृत हेमराज इटनी र सुभरभाइजर भेषराज घिमिरेलाई कारबाहीको माग गरिएको छ । पाँच सदस्यीय भौतिक परीक्षण समितिले गलत विवरण भएको जिन्सी परीक्षण प्रतिवेदनलाई साँचो सत्य भनी कार्यालयमा पुष्टि गरेको आरोपपत्रमा उल्लेख छ ।
आरोपपत्रमा कटुवालले सार्वजनिक संस्थाको सम्पत्तिको वदनियमतपूर्वक हिनामिना एवं हानिनोक्सानी गरी निवारण ऐन–२०५९ को दफा १७ बमोजिम कसुर गरेको गरेको पुष्टि गरिएको छ । उनलाई सो ऐनको दफा ३ को उपदफा १ को खण्ड ज बमोजिमको सजायका साथै दफा १७ बमोजिम नोक्सानी पु¥याएको ६० लाख ८८ हजार ३ सय ८४ रुपैयाँ भराउनुपर्ने माग गरिएको छ ।

http://erajdhani.com/en/business/22585-2014-02-10-23-55-07