एयरपोर्टको उर्जा खपत एक करोड ६३ लाख घटाउन सकिने

काठमाडौ\त्रिभुवन अन्र्तराष्ट्रिय विमानस्थल (एयरपोर्ट) मा खपत भईरहेको उर्जामा एक करोड ६३ लाख रुपैयाँ घटाउन सकिने अध्ययनको क्रममा देखिएको छ ।
नेपाल नागरिक उड्डयन प्राधिकरले उर्जा बचत तथा खर्च कम गर्ने उद्देश्यसका साथ जर्मन सहयोग नियोग (जीआईजेड) को सहयोगमा नेपाल इनर्जी इफिसेन्सी कार्यक्रम (नीप) मार्फत गरेको उर्जा परिक्षणको क्रममा सो देखिएको हो । हाल विमानस्थलले उर्जाका लागि बर्षको ५ करोड ६१ लाख रुपैयाँ विजुलीको लागि खर्च गरेकोमा बार्षिक उर्जा क्षमता प्रविधि अपनाएमा १ करोड ६३ लाख रुपैयाँ बचत गर्न सकिने नागरिक उड्डयन प्राधिकरणका इलेक्ट्रिक शाखा प्रमुख सुनिलकुमार कुश्वाहाले जानकारी दिए ।
कार्यक्रम अन्तर्गत विमानस्थलका डोमेष्टिक टर्मिनल भवन, अपरेसन तथा एयरलाइन्स भवन, कार्गो, अति विशिष्ठ कक्ष लगायतमा उर्जा परीक्षण गरिएको थियो । एयरपोर्टमा एअरकन्डिसन, भवन भित्र र बाहिरको बत्ती, हवाई मैदानका बत्ती, लिफ्ट, एस्केलेटर, कन्भेयर, पम्प तथा उड्यन तथा आइृटीका उपकरणहरुमा उर्जा खपत हुने गरेको छ ।
हाल विमानस्थलभित्र खपत हुने विजुलीमध्ये ४८ प्रतिशत एयर कन्डिसनमा, ३२ प्रतिशत बत्तीमा, अप्रत्यक्ष उपभोक्ताहरुले ११ प्रतिशत र पम्प तथा कन्भेयरमा ९ प्रतिशत खपत हुने गरेको छ । प्राधिकरणले भने उर्जा दक्षताका लागि यर्स आर्थिक बर्षमा ४० लाख लगानीमा कार्यक्रम अघि बढाईसकेको र अ ागामी बर्षहरुमा करिब पाँच करोड उर्जा क्षमता कार्यक्रमका लागि खर्च गर्न लागेको जनाएको छ ।