पुनर्निर्माण गर्न कार्यान्वयन एकाइलाई बजेट

काठमाडौं÷रास– राष्ट्रिय पुनर्निर्माण प्राधिकरणले पुनर्निर्माणका लागि गठित विभिन्न मन्त्रालयअन्तर्गत गठन गरिएका पााँच केन्द्रीय आयोजना कार्यान्वयन एकाइ र निकायलाई बजेटको अख्तियारी दिएको छ ।

चालू आर्थिक वर्षमा पुनर्निर्माणका लागि अर्थ मन्त्रालयबाट प्राप्त अख्तियारी ६५ अर्ब रुपैयाँमध्येबाट प्राधिकरणले ती निकायमार्फत पुनर्निर्माणमा बजेट खर्च गर्ने गरी प्राधिकरणले अख्तियारी दिएको हो ।

पुनर्निर्माण अघि बढाउन संघीय मामिला तथा स्थानीय विकास मन्त्रालयअन्तर्गतको केन्द्रीय आयोजना कार्यान्वयन एकाइलाई ६० करोड रुपैयाँ, शिक्षा मन्त्रालयको एकाइलाई विद्यालय पुनर्निर्माणलगायतका लागि २ अर्ब १९ करोड ५० लाख रुपैयाँ र संस्कृति पर्यटन तथा नागरिक उडड्यन मन्त्रालयको एकाइलाई सम्पदा पुनर्निर्माण तथा पर्यटकीय पूर्वाधार निर्माणका लागि ३९ करोड ६२ लाख रुपैयाँको अख्तियारी दिएको हो ।

त्यस्तै, सहरी विकास मन्त्रालयअन्तर्गतको एकाइलाई ३६ करोड ५९ लाख रुपैयाँ, कृषि मन्त्रालयअन्तर्गतको एकाइलाई ५ करोड १३ लाख रुपैयाँ र भौतिक पूर्वाधार मन्त्रालयअन्तर्गतको सडक विभागलाई ६६ करोड ५० लाख २६ हजार रुपैयाँको अख्तियारी दिइएको छ । निजी आवास पुनर्निर्माणका लागि प्राधिकरणले संघीय मामिला तथा स्थानीय विकास मन्त्रालयअन्तर्गत एकाइलाई २६ करोड ५० लाख रुपैयाँको अख्तियारी दिएको थियो ।

http://rajdhani.com.np/article/0143222001459041997