राजधानी समाचारदाता
काठमाडौं, २७ पुस- नेपाल विद्युत् प्राधिकरणले जनकपुर क्षेत्रमा चुहावट नियन्त्रण अभियान सुरु गरेपछि मिटरको माग बढेको छ । ३९ प्रतिशत चुहावट रहेको जनकपुर क्षेत्रमा चुहावट नियन्त्रण अभियान सुरु गरेसँगै मिटरको माग बढ्न थालेको हो । चुहावट अभियानपछि मिटरका लागि निवेदन दिने क्रम बढेको प्राधिकरण जनकपुर क्षेत्रीय कार्यालयका प्रमुख विभूतिनाथ मिश्रले जानकारी दिए । ‘चुहावट नियन्त्रण अभियान सुरु भएलगत्तै मिटरको माग बढेको छ ।’ जनकपुर क्षेत्रका प्रमुख विभूतिनाथ मिश्रले भने, ‘जनकपुर क्षेत्रमा मात्र १६ हजारभन्दा बढी मिटरको माग भइसकेको छ ।’ जनकपुर क्षेत्रको सबैभन्दा चुहावट हुने सप्तरी र सिराहा जिल्लामा चुहावट नियन्त्रणमा अभियानअन्तर्गत १ सयभन्दा बढी व्यक्तिलाई विद्युत् चोरी गर्दागर्दै (हुकिङ) पक्राउ गरेर ५ हजार ज™िवाना गरेपछि मिटर माग्नेको संख्या बढेको हो ।
जनकपुर क्षेत्रमा मात्र १६ हजारभन्दा बढी मिटरको माग रहे पनि प्राधिकरणसँग भने मिटर छैन । विगत एक वर्षदेखि मिटर खरिद नगरेकाले कारणले प्राधिकरणमा मिटरको समस्या छ । ‘मिटरको माग बढे पनि प्राधिक™णसँग मिटर छैन,’ उनले भने । समयमै मिटर खरिद गर्न नसकेका कारणले ग्राहकहरू उज्यालोको लागि चोरीको विद्युत् बाल्न बाध्य हुने प्राधिकरणका अधिकारी बताउँछन् । ‘विद्युत् चोरी गरेर बाल्नसमेत मिटरका लागि निवेदन दिन आउनु चुहावट नियन्त्रण कार्यक्रमको सफलता हो । तर, प्राधिकरणले मिटर नदिएपछि फेरि ती ग्राहक चोरी विद्युत्तिर फर्कन्छन्, यो बिडम्बना हो।’ प्राधिकरणका ती अधिकारीले भने, ‘चुहावट नियन्त्रण अभियानपछि प्राधिकरणले केके समस्या आउँछ र त्यो समाधानका लागि के गर्नुपर्छ भन्ने नहुँदा समस्या बढेको छ ।
’ प्राधिकरण केन्द्रीय कार्यालयले जनकपुर क्षेत्रमा ६ प्रतिशत चुहावट घटाउनका लागि निर्देशन दिएलगत्तै चुहावट नियन्त्रण अभियान सुरु गरेको क्षेत्रीय कार्यालयलाई मिटर नहुँदा भने समस्या परेको छ । सप्तरी र सिराहापछि जनकपुर क्षेत्रका महोत्तरी, धनुषा, सर्लाही, सिन्धुली, उदयपुर, ओखलढुंगा र खोटाङ जिल्लामा समेत चुहावट नियन्त्रण अभियान सुरु गर्न लागेको छ । तर, चोरीको सट्टा वैधानिक रूपमा मिटर राख्ने ग्राहकलाई मिटर दिन नसक्ने प्राधिकरणको लाजमर्दो अवस्था छ । क्षेत्रीय कार्यालयले प्राविधिक र अप्राविधिक दुवै चुहावट नियन्त्रण सँगसँगै अघि बढाउने जनाएको छ ।
प्राधिकरणका अनुसार, करिब १५ प्रतिशत प्राविधिक चुहावट छ । प्राधिकरणका अधिकारीका अनुसार, चुहावट नियन्त्रण अभियान सुरु गर्नु सकारात्मक भए पनि मिटर बाँड्न नसक्दा लक्ष्यप्राप्ति प्रभावका™ी हुन नसक्ने बताउ“छन् । मिटर माग्ने ग्राहकका लागि प्राधिकरणले अस्थायी रूपमा व्यवस्थापन गर्नुपर्ने उनीहरूको सुझाव छ । ‘मिटर नदिने हो भने फेरि चोरी दोहो™िन्छ । त्यसकारण माग्नेहरूलाई अहिले तत्काल अन्य माध्यमबाट वितरण गरी बिजुलीको सुविधा दिनुपर्छ,’ ती अधिकारीले भने ।
No comments:
Post a Comment