प्राधिकरणका १८ कर्मचारीसँग सवा ५ करोड धरौटी माग

ट्रान्सफर्मर खरिदमा घोटाला

*झा, शाह, यादव र स्वर्णकारबाहेक अन्य धरौटी बुझाएर रिहा, चारविरुद्ध पक्राउ पुर्जी जारी
   *२५ हजारदेखि २ करोडसम्म धरौटी

भीम गौतम\राजधानी 

 काठमाडौं, १० असोज 

गुणस्तरहीन ट्रान्सफर्मर खरिद गरेर भ्रष्टाचार गरेको अभियोगमा नेपाल विद्युत् प्राधिकरणका १८ कर्मचारीसँग विशेष अदालतले ५ करोड १६ लाख ७५ हजार रूपैयाँ धरौटी मागेको छ । विशेष अदालतले बिहीबार थुनछेक बहसपछि पूर्वकार्यकारी निर्देशक डा. जीवेन्द्र झासहित १८ जनालाई २५ हजारदेखि २ करोड रूपैयाँसम्म धरौटी मागेको हो । बिहीबार सकिएको थुनछेक बहसपछि निर्देशक झासहित १८ कर्मचारीलाई सो रकम बराबरको धरौटी बुझाउन आदेश दिइएको छ ।

ट्रान्सफर्मर खरिद प्रकरणमा ४६ करोड ७६ लाख ६३ हजार २ सय ६३ बराबरको रकम अनियमितता भएको भन्दै अख्तियार दुरूपयोग अनुसन्धान आयोगले ठेकेदार कम्पनीका तीनसहित प्राधिकरणका २२ जनाविरुद्ध दायर गरेको मुद्दामा विशेष अदालतले ५ करोड १६ लाख ७५ हजार बराबरको धरौटी बुझाउन आदेश दिएको हो । हुवेई सनलाइट इलेक्ट्रिक कम्पनीमार्फत खरिद गरिएका ट्रान्सफर्मरको मुद्दामा संलग्नता नदेखिएको भन्दै तारिखमा रिहा भएका झालाई यो मुद्दामा भने २ करोड धरौटी माग गरिएको छ ।

गत १ मंसिर २०६६ मा ट्रान्सफर्मर खरिद सम्झौता गर्दा मापदण्डविपरीत हुने गरी बोलपत्र स्वीकृृत गरिएको तथा आपूतिकर्ताले कबोल गरेको तौलभन्दा आधा Ôमताका ट्रान्सफर्मरहरू मात्र प्राविधिक रूपमा मेल खाने देखिएबाट बदनियतपूर्वक कम तौल र आकारको तामाको तार प्रयोग गरी भ्रष्टाचार गरेको अख्तियारद्वारा दायर मुद्दामा उल्लेख छ । प्राधिकरणले आर्थिक वर्È २०६६÷६७ मा सहवान्त इलेक्ट्रिक कम्पनी थाइल्यान्डमार्फत १ हजार ५ सय ६७ थान ट्रान्सफर्मर खरिद गरेको थियो ।

उनीहरूविरुद्ध भदौ अन्तिम साता विशेष अदालतमा अख्तियारले मुद्दा दायर गरेको थियो । विशेष अदालतले कम्पनीका प्रबन्ध निर्देशक प्रपार्ट जनत राङ्स्री, ठेकेदारका अख्तियार प्राप्त प्रतिनिधि राजन के भट्ट र नेपाल एजेन्ट कम्पनी एपेक्स मार्केटिङ प्रालिका अध्यÔ विनोदकुमार मानन्धर तथा प्राधिकरणका कर्मचारी विद्युत पौडेलविरुद्ध पक्राउ पुर्जी जारी गरेको छ । अदालतले प्राधिकरणका तत्कालीन महाप्रबन्धक युगोशलकिशोर शाहसँग २ करोड र तत्कालीन कार्यकारी निर्देशक रामेश्वर यादवसँग ३० लाख धरौटी मागेको छ ।

त्यसैगरी, निर्देशक अर्जुनकुमार चौहानसँग २ लाख, सहनिर्देशकद्वय हरीशबहादुर पालसँग जनही १ लाख ५० हजार र शशीविक्रम थापासँग १ लाख ५० हजार, लेखा अधिकृत सुरेशकुमार कटुवालसँग १ लाख, सहायक लेखा अधिकृत सुशीलप्रसाद खनालसँग ५० हजार, प्रबन्धकहरू कैलाशकुमार अटलसँग १ लाख ५० हजार र हरिबहादुर गोसीसँग १ लाख र उपनिर्देशक महेशकुमार कार्कीसँग १ लाख ५० हजार धरौटी मागेको छ ।

सोही मुद्दामा भण्डार प्रमुख एवं इन्जिनियर नारायणप्रसाद चौधरीसँग १ लाख, भण्डार सहायक सरोज श्रेष्ठसँग २५ हजार, सहायक प्रबन्धक मनोज बरालसँग १५ लाख तथा इन्जिनियरत्रय सुरजप्रसाद साहसँग १५ लाख, निमेÈकुमार पोखरेलसँग १५ लाख र विनोदकुमार स्वर्णकारसँग १५ लाख तथा सहायक इन्जिनियर रामबिजुल मण्डलसँग १५ लाख धरौटी मागेको छ । विशेष अदालतको सो आदेशपछि झा, शाह, यादव र स्वर्णकारबाहेक अन्य सबै तोकिएको धरौटी बुझाएर बिहीबार नै रिहा भएका छन् ।

http://erajdhani.com/en/business/15693-----------