काठमाडौं\रास— चिनिया“ कम्पनी जेके होल्डिङ कम्पनी चीनले १ सय ८० थान ट्रान्सफर्मर प्रतिस्थापनका लागि पठाएको छ । ट्रान्सफर्मर नेपाल पठाउँदा गुणस्तरहीन भएको भन्दै आङ्खनो बदमासी स्वीकार गरेको जेके होल्डिङले १ सय ८० ओटा ट्रान्सफर्मर प्रतिस्थापनका लागि नेपाल पठाएको नेपाल विद्युत् प्राधिकरणलाई पत्र लेखेर जनाएको छ । प्राधिकरणका अनुसार अबको २० दिनभित्र नयाँ दिल्ली आउने ती ट्रान्सफर्मर त्यसको एक हप्ताभित्रै नेपाल आइपुग्ने प्राधिकरणले जनाएको छ ।
दुई वर्षभित्र नयाँ ट्रान्सफर्मर खरिद नगर्दा अभाव झेलिरहेको प्राधिकरणका लागि नयाँ ट्रान्सफर्मर आएपछि केही राहत हुने अपेक्षा गरिएको छ । ०६७÷६८ मा प्राधिकरणले जेके होल्डिङमार्फत ४ लाख ५० हजार ६ सय ७ अमेरिकी डलरमा ४ सय ७४ थान ट्रान्सफर्मर आयात गरिएको थियो । आयात गरिएका ट्रान्सफर्मरमा खराबी देखिएपछि प्राधिकरणले जेकेलाई प्रतिस्थापनका लागि पत्र लेखेको थियो ।
पत्रपछि गत पुसमा २ सय १० थान ट्रान्सफर्मर प्रतिस्थापनका लागि पठाएकामा ती ट्रान्सफर्मरमा समेत बढी चुहावट देखिएको थियो । प्राधिकरणको सञ्चालक समितिले समेत प्रतिस्थापन प्रक्रिया अघि बढाउने निर्णय गरिसकेको छ ।
No comments:
Post a Comment