भीम गौतम\राजधानी
काठमाडौं, ६ असोज
लामो समयदेखि नेपाल विद्युत् प्राधिकरणले मिटर खरिद गर्न नसक्दा विद्युतीकरणमा समस्या देखिएको छ । नयाँ मिटरको अभावमा आमउपभोक्ता मारमा परेका छन् । जसका कारण आङ्खनो घरमा मिटर जडानका लागि निवेदन लिएर जाने ग्राहकहरू रित्तो हात फर्कनुपर्ने अवस्था सिर्जना भएको छ । मिटर अभावका कारण नयाँ घर बनाएर दसंैमा सर्ने तथा घर झिलिमिली बनाउने सर्वसाधारणको सपना पनि अधुरो हुने अवस्था सिर्जना भएको छ ।
भएको मिटर पनि वितरण गर्न नसकेकै कारण कहिले बिजुली मिटर आउँछ भनेर ग्राहकहरूले सोध्ने प्रश्नको उत्तर दिन प्राधिकरणका कर्मचारी असमर्थ हुने गरेका छन् । नयाँ बिजुली मिटरका लागि प्राधिकरणका शाखा तथा वितरण केन्द्रमा सर्वसाधारणको भीड बढ्न थालेपछि कतिपय कार्यालयले सूचना नै जारी गरेर मिटर नभएको जानकारी दिएका छन् । ‘मिटर अभावको समस्या चरम अवस्थामा पुगेको छ, अधिकांश शाखामा मिटर नै छैन, कतिपय शाखाले सूचना टाँस गरेरै जानकारी दिएका छन्,’ प्राधिकरण ग्राहक तथा वितरण सेवाका एक अधिकारीले भने, ‘केन्द्रीय भण्डारमा रहेका करिब ५० हजार मिटर वितरण गर्न सकिएको छैन ।’ केन्द्रीय भण्डार शाखा हेटौंडाका प्रमुख नारायण चौधरी तथा सहायक सरोज श्रेष्ठलाई गुणस्तरहीन ट्रान्सफर्मर प्रकरणमा अख्तियार दुरुपयोग अनुसन्धान आयोगले अनुसन्धानका लागि हिरासतमा लिएपछि विगत डेढ महिनादेखि भण्डारबाट मिटर वितरण हुन सकेको छैन ।
जसका कारण प्राधिकरणका जिल्लाका शाखा तथा वितरण केन्द्रहरूमा बिजुली मिटर रित्तिएको छ । प्राधिकरणको नियमअनुसार पहिलेका कर्मचारीले नयाँलाई हिसाब–किताबसहित विवरण बुझबुझारथ गर्नुपर्ने हुन्छ । तर, चौधरी र श्रेष्ठ हिरासतमा रहेकाले प्राधिकरण व्यवस्थापनले वैकल्पिक व्यवस्था गर्न सकेको छैन । प्राधिकरणका कार्यकारी निर्देशक अर्जुन कार्कीले मुचुल्का उठाएरै भए पनि भण्डारबाट मिटर वितरणका लागि निर्देशन दिइसकेको र छिट्टै समस्या समाधान हुने जिकिर गरे । ‘मुचुल्का उठाएर भए पनि वैकल्पिक व्यवस्था गर्न भनिसकेको छु, छिट्टै समाधान हुन्छ,’ उनले राजधानीसँग भने । ऊर्जामन्त्री एवं प्राधिकरण सञ्चालक समितिका अध्यक्ष उमाकान्त झाले मिटर अभावबारे आपूmलाई थाहा नभएको र यसबारे बुझेर पहल गर्ने बताए । भण्डारमा आएका ट्रान्सफर्मर भण्डारण गरेर सम्बन्धित क्षेत्रीय कार्यालय पठाउने कार्यमा संलग्न चौधरी र श्रेष्ठलाई अख्तियारले नियन्त्रणमा लिएपछि अहिले सो भण्डारमा जान कोही पनि मानेका छैनन् । मिटर अभावको विशेष अवस्था सिर्जना भएकाले अख्तियारसँग अनुमति लिई हिरासतमा रहेका कर्मचारीसँग बुझबुझारथ गर्न सकिने प्राधिकरणका एक कर्मचारीले बताए ।
‘मुचुल्का उठाएर बन्द भण्डारलाई नियमित गर्न प्राधिकरणका कार्यकारी निर्देशकले निर्देशन दिए पनि कोही कर्मचारी जान मानेका छैनन्,’ वितरण तथा ग्राहक सेवाका ती अधिकारीले भने, ‘भण्डार गर्ने कर्मचारीलाई समेत अख्तियारले लगेपछि कोही मानेका छैनन्, जसको कारण भएका ट्रान्सफर्मर पनि त्यसै थन्किएका छन् ।’ कम्प्युटर एडेड इन्भेन्टरी सिस्टम (सीउआईएस) मार्फत मात्र मिटर वितरण गरिँदै आएको छ । ‘वितरण शाखा भक्तपुरमा पटक–पटक मिटरका लागि गए पनि पाइएन, नयाँ मिटर जडानका लागि समेत कति सास्ती खेप्नु,’ भक्तपुरकी रत्नश्वरी दुवालले भनिन्, ‘कहिले मिटर आउँछसमेत कर्मचारीले भन्दैनन् ।’ प्राधिकरणका अनुसार प्रत्येक महिना देशभर करिब २० हजार मिटरको आवश्यकता पर्छ । गुणस्तरहीन ट्रान्सफर्मर खरिद प्रकरण चर्केसँगै त्यसको असर मिटर खरिदमा पनि परेको छ । विगत एक वर्Èदेखि नयाँ ट्रान्सफर्मर पनि किनिएको छैन ।
प्रत्येक ६÷६ महिनामा नयाँ मिटर किन्नुपर्ने प्रावधान भए पनि विगत एक वर्षदेखि खरिद नहु“दा नयाँ मिटरको चर्को समस्या देखिएको हो । २ लाख नया“ मिटर किन्ने प्रक्रिया अघि बढे पनि प्राधिकरणको जिन्सी व्यवस्थापन महाशाखाका प्रमुख कृष्णबहादुर थापा र सहायक प्रबन्धक सुरेन्द्र पनेरू ट्रान्सफर्मर प्रकरणमा हिरासतमा परेपछि सो प्रक्रियासमेत रोकिएको छ । पहिला सो शाखामा जान कर्मचारीहरूबीच प्रतिस्पर्धा हुने भए पनि अहिले त्यो शाखामा जानसमेत कोही मानेका छैनन् । प्राधिकरणका अनुसार टेन्डरलगायत सबै प्रक्रिया पूरा गरेर नया“ मिटर किन्न कम्तीमा ६ महिना लाग्छ, तर भएका मिटरले करिब २ महिना मात्र पुग्ने भएकाले मिटरको समस्या उत्पन्न भएको हो ।
No comments:
Post a Comment