राजधानी समाचारदाता
काठमाडौं, २९ भदौ
वैकल्पिक ऊर्जा प्रवद्र्धन केन्द्रले एक वर्षभित्र ग्रामीण क्षेत्रका ३ लाख घरधुरीमा नवीकरणीय ऊर्जा पु¥याउने भएको छ । राष्ट्रिय ग्रामीण तथा नवीकरणीय ऊर्जा कार्यक्रमअन्तर्गत आर्थिक वर्ष ०७०÷०७१ मा करिब ३ लाख घरधुरीमा नवीकरणीय ऊर्जाका प्रविधि केन्द्रले पु¥याउन लागेको हो । त्यसैगरी, संस्थागत र अन्य गरी थप १ हजार २५ नवीकरणीय ऊर्जाका प्रविधिसमेत यो वर्ष थप गर्ने लक्ष्य केन्द्रको छ ।
केन्द्रका अनुसार, साढे चार मेगावाटको लघु तथा साना जलविद्युत् आयोजना सम्पन्न भई २७ हजार घरधुरीमा बिजुली पु¥याउने, १ लाख २५ हजार घरधुरीमा सौर्य प्रणाली जडान गर्ने, १ लाख ५ हजार घरधुरीमा सुधारिएको चुल्हो बनाउने तथा २६ हजार घरधुरीमा बायो ग्याँस प्लान्ट बनाउने लक्ष्य केन्द्रको छ । त्यसैगरी, संस्थागत रूपमा ७ सय ५० वटा सुधारिएको घट्ट, ३ सय संख्यामा संस्थागत सौर्य प्रणाली जडान गर्ने, २५ घरधुरीमा सौर्य खानेपानी पम्पिङ प्रणाली जडान गर्ने, २ सय सामुदायिक बायो ग्याँस प्लान्ट बनाउने तथा ३ सय संख्यामा सोलार ड्रायर र २ सय संख्यामा सोलार कुकुर्स बनाउने लक्ष्य राखिएको छ । नवीकरणीय ऊर्जा प्रवद्र्धनका लागि ३ अर्ब २६ करोड बजेटसमेत विनियोजन गरिएको छ । त्योमध्ये १ अर्ब २३ करोड सरकार र बाँकी विभिन्न दातृ संस्थाबाट केन्द्रलाई प्राप्त सहयोग हो ।
‘एक वर्षभित्र मात्र झन्डै ३ लाख घरधुरीमा नवीकरणीय ऊर्जाका साथै संस्थागत र सामुदायिक रूपमा १ हजार २५ संख्यामा विभिन्न नवीकरण ऊर्जाका प्रविधि बन्नेछन्,’ । केन्द्रका कार्यकारी निर्देशक डा. गोविन्दराज पोखरेलले भने, ‘ग्रामीण तथा विपन्न क्षेत्रका बासिन्दाका लागि गरिएका नवीकरणीय ऊर्जा प्रवद्र्धनले नेपालको गरिबी निवारण गर्नका लागि ठूलो सहयोग पु¥याउँछ ।’ केन्द्रले संस्थागत नवीकरण ऊर्जा प्रविधिमार्फत मात्र लाखांै सर्वसाधारणले प्रत्यक्ष फाइदा लिने जनाएको छ ।
| वैकल्पिक केन्द्रमा बल्ल सोलार
सिकर्मीको घरमा परालको लि स्नो’ भनेझंै वैकल्पिक ऊर्जा प्रवद्र्धन केन्द्रमै लोडसेडिङकै बेला जेनेरेटर चलाउनुपर्ने बाध्यता थियो तर अब भने त्यो अन्त्य हुने भएको छ । गाउँ–गाउँमा नवीकरणीय ऊर्जा प्रवद्र्धन गर्ने केन्द्रले लोडसेडिङका बेला वैकल्पिक ऊर्जाको प्रयोगै नगरी डिजेल प्रयोग गरेको भन्दै आलोचना भइरहेकाले ४० किलोवाटको सोलार प्यानल बनाउन लागेको हो ।
केन्द्रको केन्द्रीय कार्यालयस्थित खुमलटारमा निर्माण भइरहेको सो सोलार प्यानलको आगामी एक महिनाभित्र निर्माण सम्पन्न गर्ने लक्ष्य राखिएको केन्द्रका कार्यकारी निर्देशक डा. गोविन्दराज पोखरेलले जानकारी दिए । ‘केन्द्रमै लोडसेडिङका बेला जेनेरेटर बाल्नुपर्ने अवस्था थियो, अब एक महिनाभित्र सोलार जडान गरिसक्छांै,’ उनले भने । डेनिस दूतावासको १ करोड १० लाख सहयोगमा बनाउन लागिएको सोलार प्यानलबाट केन्द्रभित्रका कम्प्युटर, बिजुलीलगायतका ऊर्जा खपत गराउनका लागि सहयोग पुग्ने केन्द्रले जनाएको छ ।
हाल नेपाल विद्युत् प्राधिकरणको केन्द्रीय ग्रिडबाट ल्याइएको विद्युत्सरह तथा दैनिक ४० किलोवाट खपत हुने गरी २२ र १८ किलोवाटका दुई सोलार प्यानल बनाउन लागिएको हो । एउटा प्यानल केन्द्रको छतमा र अर्को परिसरमा बनाउन लागिएको छ ।
|
No comments:
Post a Comment