प्राधिकरणको अध्यक्षमा पुनः ऊर्जा सचिव

काठमाडौं\रास—

ऊर्जामन्त्री उमाकान्त झाले नेपाल विद्युत् प्राधिकरण सञ्चालक समितिको अध्यक्षबाट राजीनामा दिएका छन् । गत फागुनमा तत्कालीन प्राधिकरण सञ्चालक समितिका अध्यक्ष एवं मुख्य सचिव लीलामणि पौडेलले अध्यक्षबाट राजीनामा दिएपछि मन्त्री झा अध्यक्ष रहँदै आएका थिए । मन्त्री झाले राजीनामा दिएर प्राधिकरण अध्यक्षका लागि ऊर्जा सचिव विश्वप्रकाश पण्डितलाई बनाउने प्रस्ताव गरेकामा बिहीबारको बैठकले सो निर्णय सदर गरेको थियो ।

पछिल्लो समयमा तल्लो सोलु जलविद्युत् आयोजनासँग विद्युत् खरिद सम्झौता (पीपीए) बारे विवाद रहेको थियो । विवादमा फस्नुको सट्टा मन्त्री झाले राजीनामा दिएको हुन सक्ने ऊर्जा मन्त्रालयका एक अधिकारीले बताए । फागुनपछि झा अध्यक्ष भए पनि नेपाल विद्युत् प्राधिकरणमा अड्किएर रहेका चमेलिया जलविद्युत् आयोजना, राहुघाट जलविद्युत् आयोजनालगायतबारे प्राधिकरणले तुरुन्तै गर्नुपर्ने निर्णय अझै हुन सकेका छैनन् । जसका कारण आयोजनाको निर्माण कार्य सुस्त गतिमा मात्र अघि बढिरहेको छ ।

http://erajdhani.com/en/business/15692-----